Rakvélar - Hvað hentar mér?

Flestar rakvélarnar okkar eru frá þýska framleiðandanum Mühle en við erum einnig með úrval rakvéla frá Merkur. Algengustu hausarnir eða kambarnir eru annars vegar lokaður haus og hins vegar opinn haus. Handföngin eru mun fjölbreyttari og þar skiptir mestu máli hvað fer vel í þinni hendi og hvað þér þykir fallegt.

Við mælum alltaf með lokuðum haus/kambi fyrir þá sem hafa ekki rakað sig áður en þessi haus hentar einnig flestum alla tíð.

Þeir sem hafa einhverja reynslu af rakstri geta prófað sig áfram með tennta og opna hausa. Þeir henta vel þeim sem eru með þéttan og sterkan skeggvöxt. Vegna þess að hausinn er opnari festast hár og sápa minna í hausnum sem hentar vel þegar menn raka sig sjaldnar og skeggvöxturinn er orðinn meiri. Þá þarf sjaldnar að skola af hausnum á meðan á rakstri stendur. Blaðið er berarar sem veldur því að sá sem rakar sig finnur meira fyrir því að blaðið rennur yfir húðina sem sumum finnst óþægilegra. 

Hér má sjá allar vörur með lokuðum haus og hér með opnum haus.

Nokkrar rakvélar eru svo með öðruvísi haus, svo sem stillanlegum eða hallandi og þá má skoða hér.

Nýjasta rakvélin úr smiðju Mühle er Companion sem er með enn lokaðari haus. Handfangið er auk þess munstrað svo gripið er mjög gott. Það sem er sérstakt við þessa rakvél er að hún var hönnuð með mun meira en bara skegghár í huga. Hún hentar því vel fyrir öll kyn og flesta líkamsparta. 

Við erum einlægir aðdáendur þessara rakvéla enda er þær gæðavara auk þess að vera umhverfisvænni og ódýrari til lengri tíma litið en fjölblaða rakvélar. 

Blöðin í rakvélar eins og þessar hafa verið stöðluð í áratugi og því er hægt að prófa sig áfram með mismunandi blöð og finna hvað hentar þér best. Algengt verð á 10 blaða pakka er um 1.000 kr.